Tirane-Pas shumë muajsh debate dhe diskutime, mazhoranca në Komisionin e Medias, ka finalizuar nismën për të shkarkuar Kryetaren e Autoritetit të Mediave Audiovizive.
Vetëm me votat e saj dhe në mungesë të opozitës, deputetët e mazhorancës votuan raportin e paraqitur nga deputeti Alfred Peza, ku evidentonte 4 vakanca përfshirë dhe vendin e kryetares Endira Bushati.
"Nga ky çast nis zyrtarisht procesi për zëvendësimin e 4 anëtarëve të AMA-s, përfshirë edhe kryetaren " tha deputeti i PS-së Alfred Peza.
Me herët deputetët opozitarë kërkuan që për mandatin e kryetares së AMA-s, të vendosë Këshilli i Legjislacionit.
Kjo kërkesë u rrëzua nga mazhoranca, dhë bëri që deputetët e Partisë Demokratike të braktisin mbledhjen, duke paralajmëruar se për këtë çështje do t'i drejtohen Gjykatës Kushtetuese.
Opozita, nismën e mazhorancës për të shkarkuar Kryetaren e Autoritetit të Mediave Audiovizive, e ka cilësuar si politike dhe që synon kapjen e institucioneve të pavarura për qelllime klienteliste.
