Tirane- Arben Imami, personi i parë që ngriti akuzat se infrastruktura ushtarake po përdorej në trafik droge, ka sqaruar në një letër drejtuar Prokurorisë së Përgjithshme, se nga ku i ka marrë informacionet për të dhëna të tilla.
Disa ish-zyrtarë të lartë policie tashmë të liruar nga detyra mësohet ta kenë njoftuar, ish-ministrin e Mbrojtjes se në Gjadër të Lezhës, kishte dyshime se me anë të avionëve, po trafikohej drogë.
Ish-drejtuesi i Mbrojtjes vazhdon me tej në letër se këto informacione nuk i ka siguruar në rrugë zyrtare, por nëpërmjet personave që kanë patur detyra të rëndësishme në policinë e shtetit.
"Disa ish-punonjës së policisë së shtetit më kanë informuar për trafikun e mundshëm të lëndëve narkotike nëpërmjet bazës ushtarake të Gjadrit, aty ku është parë të ulet një avion civil."-mësohet të ketë shkruar Imami në letër.
Megjithatë sqarohet se Imami nuk i i ka përmendur në letër emrat e ish-punonjësve të policisë, që i ka dhënë informacionet,duke qënë se ata nuk i mbajnë më këto poste.
Të gjitha detajet e dhëna nga deputeti i Partisë Demokratike, janë në proces verfikimi.
Gjithashtu akuza është në proces verifikimi i të gjitha informacioneve që janë kërkuar nga Prokuroria, nga institucionet e tjera ligjzbatuese në vend.
