Në projeksionet e fundit ekonomike për vitin 2014 të Bankës Popullore të Maqedonisë, parashihet që inflacioni të jetë maksimum deri në 1 për qind në vit. Nga BPRM-ja, presin inflacion më të ulët që lidhet me inflacionin e ulët të huaj. Për reduktimin e rezervave devizore në muajt e parë të këtij viti, nga Banka Popullore thonë se kjo u bë për shkak të pagesave të rregullta të qeverisë ndaj borxhit të jashtëm.
'Munguan derdhjet. Ndërsa shteti derdhje në llogaritë devizore ka vetëm me huamarrje nga jashtë. Nuk kishte asnjë huamarrje dhe munguan derdhjet. Për shkak të kësaj kishte efekt negativ tek qarkullimi pagesor në shtet", deklaroi Dimitar Bogov - Guvernator i BPRM-së.
Nga BPRM-ja thonë se këtë vit, bankat në shtet do ta rrisin kreditimin edhe atë për 7.5 për qind më shumë se vitin e kaluar. Shumica do të jenë për qytetarët , ndërsa pjesa më e vogël do të përfundojë në ekonomi për kreditim të projekteve të biznesit. Guvernatori Bogov problemin me financimin e dobët të bizneseve nuk e sheh në atë se bankat komerciale duan paratë ti mbajnë në BPRM dhe ti financojnë vrimat buxhetore të qeverisë, por në vetë kompanitë.
'Bankat i plasojnë tek ne, sepse ndoshta nuk kanë mundësi tjetër fitimprurës. Deri në mars të këtij viti ajo shtesë është 5 % e kreditimit të ndërmarrjeve do të thotë tani është rritur në mënyrë të konsiderueshme. Tek qytetarët shkon më intensivisht dhe në mars ishte 12 % rritja e kredisë dhe në përgjithësi shkalla është rreth 7.5 për qind', tha Dimitar Bogov - Guvernator i BPRM-së.
Ndryshe bankat në BPRM ruajnë 416 milion euro, ndërsa qeverisë i kanë huazuar 630 milion euro me norma interesi rreth 3.5 për qind. Sa i përket rritjes ekonomike, për këtë vit parashihet të jetë 3.7 për qind dhe pritet ulje graduale e parave mërgimtarët i dërgojnë në vend. Goran Temenugov
