Vrasja e maturantit maqedonas, Angel Petkovski është kryer për motive banale dhe si akt i tillë nuk duhet të marr konotacione ndëretnike meqë nxitjet e tilla mund të kenë pasoja të paparashikueshme për një shoqëri shumëentike siç është Maqedonia. Kështu vlerëson Mirjana Malevska, njohëse e marrëdhënieve ndëretnike. Ajo gjithashtu fajëson drejtuesit e institucioneve dhe të partive politike për heshtjen ndaj zhvillimeve të fundit.
"Ku janë ata që janë zgjedhur nga populli për të krijuar marrëdhënie të mira ndëretnike. Ku është kryetari shteti të dal të thotë diçka tani në këtë moment? Së paku deri në mëngjes nuk kam dëgjuar asnjë deklaratë. Ku është kryeministri të thotë diçka, ku është Ali Ahmeti? (02:12)E nxisin atmosferën, e vetë fshihen! Nëse çdo akt kriminal shndërrohet në konflikt ndëretnik atëherë në çfarë shoqërie jetojmë? Kjo është karakteristikë e shoqërive të ndara kur gjithçka politizohet, gjithçka merr përmasa etnike", deklaroi Mirjana Malevska, profesoreshë universitare.
Ndërkohë, analisti Suad Misini thotë se ngjarjet e dhunshme në Gjorçe që pasuan vrasjen e maturantit janë pasojë e fushata negative të partive politike që zhvilluan gjatë zgjedhjeve të fundit. Në këtë drejtim Mirjana Malevska apostrofon retorikën e kryeministrit Gruevski por edhe heshtjen e BDI-së ndaj politikave të tilla nacionaliste të partnerit të saj qeverisës.
"Them se ata për qëllimet e tyre të ndryshme politike e lanë peng të gjithë shtetin dhe qytetarët e tij duke i futur në kaos pa ndonjë zgjidhje konkrete. Sulmet ndaj qytetarëve të pafajshëm, ndaj pronave të një etniteti të caktuar tregon se kjo revoltë duhet ti drejtohet institucioneve, e jo qytetarëve të tjerë që nuk kanë lidhje me këtë rast tragjik. Ajo urrejtje e mbledhur tani artikulohet në mënyrë luftarake, në mënyrë armiqësore ndaj qytetarëve të një etniteti tjetër në këtë shtet dhe me të vërtetë kjo nuk ka të bëjë me këtë rast tragjik të cilin të gjithë e gjykuam", u shpreh Suad Misini, analist politik.
"Është dëshpërues fakti se si sillen politikanët dhe direkt kjo qeveri dhe qeveria koalicionuese. Edhe BDI-ja nuk mund të amnistohet nga përgjegjësia se përse e përkrah politikën nacionalistë të partnerit të saj. Ku ishin të reagojnë kur lideri i VMRO-së gjatë fushatës pati trembur publikun se të gjithë të moshuar, të rinj, të sëmurë,të shëndoshë duhet të mësojnë shqip që janë të pavërteta që përdoren që përdoren për të fituar pikë politike", tha Mirjana Malevska, profesoreshë universitare.
Malevksa dhe Misini thonë se institucionet duhet të punojnë shumë më tepër për uljen e tensioneve dhe forcimin e marrëdhënieve ndëretnike pasi situata e këtilla mund të përkeqësojnë edhe ashtu gjendjen e tendosur në vend. Ferikan Iljazi
