Sikur ata 500 qytetarë të Tiranës që ngisnin biçlikletat pasditen e sotme në buvelardin kryesor, të kishin dalë me makina, të gjithë ne do të thithnim ajër më të ndotur ndërsa do të përballeshim me një trafik të madh. Përfaqësuesi i nismës së Eccovolisit, Ened Mato ka përçuar mesazhin gjatë protestës së 12 të saj, se duhen liruar korsitë për biçikletat, ndërsa duhen fituar edhe hapësira të tjera në mënyrë që të shmangen aksidentet ndaj çiklistëve, por edhe të kemi ajër më të pastër.
"Jemi të vendosur që këtë kauzë ta çojmë deri në fund. Aty ka korsi, por edhe aty ku nuk ka korsi të fitojmë respekt në rrugë. E duam Tiranën prandaj jemi këtu. E duam qytetin e pastër jemi me biçikleta. Prandaj kemi vendosur që këtë lëvizje ta çojmë deri në fund." tha Ened Mato
Nga ana tjetër, ambientalisti Sazan Guri i ka bërë thirrje kryebashkiakut Lulzim Basha që t'i përkushtohet tërësisht Bashkisë së Tiranës dhe jo vetëm partisë.
"Sikur sonte në darkë ta hedhte në mendje dhe në zemër, nesër rrugët e Tiranës kthehen në rrugë me biçikleta dhe në rrugë ekologjike. Ka ardhur koha kur ne të kemi Kryetar Bashkie dhe jo edhe Kryetar Bashkie edhe Kryetar Partie." u shpre ambientalisti Sazan Guri
Nisma për promovimin e qarkullimit me biçikleta, si një mjet ekologjik bëhet brej disa kohësh dhe funksionon nëpërmjet pedalimit të organizuar.
