Shtylla betoni, pllaka muri, tapete dhe mbeturina tjera, janë pjesë e shtratit të lumit Shkumbin të Tetovës, në afërsi të Spitalit Klinik në Tetovë. Banorët ankohen. Ata thonë se, pikërisht në këtë vend, vetëm shkaku i spitalit, lumi duhet të jetë i pastër. Por pamje të këtilla kamera e televizionit Alsat pranë spitalit, por edhe në pjesë tjera të shtratit të Shkumbinit.
"Kjo turp është turp çka bëjnë kështu hedhin mbeturina andej këndej edhe këta hedhin vinë era gjithnjë, e këtu duhet më pastër të jetë. Kërkojmë të pastrohet kjo dhe të shihen ata njerëz që i hedhin ata të kapen jo të hedh kushdo qoftë këtu veç ti hedhin, nuk bën kjo".
"Normalisht se pengon, kundërmon erë e keqe. Duhet pastruar kjo rregulluar pak , megjithatë njerëzve iu pengon kjo".
"Pengon ama çka të besh, normal që duhet të hiqet, katastrofë është".
Komuna e Tetovës për këtë gjendje të lumit fajësojën qytetarët pasi siç thonë muaj më parë ndërmorën një aktivitet për pastrimin e lumit. Kryetarja Arifi me këtë rast ka paralajmëruar edhe dënime të rrepta për ata qytetarë që do të kapen duke hedhur mbeturinat në lum.
"Kemi pasur programin tonë për të filluar prej zonës së sipërme të lumit dhe deri në zonën e poshtme. Normalisht që planet tona janë që të pastrohet e gjithë pjesa por, në të njëjtën kohë kërkojmë nga qytetarët që ta mirëmbajnë atë që ne e pastrojmë . dëshiroj që ta bëj shumë të qartë se zonat të cilat i kemi pastruar do e forcojmë shumë kontrollin e inspektoratit sepse mendojmë se të gjithë kanë obligim që ta mirëmbajnë qytetin por jemi të vetëdijshëm që edhe te zona e spitalit do duhet të përfundojë procesi i pastrimit dhe mandej edhe i mirëmbajtjes", tha Teuta Arifi, Kryetare e komunës së Tetovës.
Veç hedhjes së mbeturinave, në këtë lum disa familje derdhin edhe ujërat e zeza për të iu ikur tasave për kyçje në kanalizimin e qytetit. Bashkim Sulejmani
