Vlore- Është shoqëruar me tensione aksioni i INUK në zonën e Skelës dhe Ujit të Ftohtë për të prishur disa objekte mes tyre dhe shtëpi të vjetra banimi apo godina shërbimi të ndërtuara nga 1920-1950.
Prishjet bëhen në kuadër të ndërtimit të projektit Lungomare. Mësohet se në plan është prishja e 13 objekteve.
Banorët kundërshtojnë aksionin psai pretendojnë se kanë dokumentacion duke pretenduar që procedura e shpronësimit duhej të kishte nisur me kohë.
. Disa prej tyre deklarojnë se nga çfarë kanë mësuar në gazetë kompensimi do të jetë 2. 4 milionë lekë, një shumë e pamjaftueshme për të blerë një tjetër shtëpi, ndërsa një pjesë tjetër thonë se nuk kanë asnjë njoftim.
"Shtëpia ime u ndërtua që në 1950. Erdhën e na njoftuan të shtunën në orën 11 të nxjerrim plaçkat nga shtëpia pa asnjë document e pa asnjë gjë. Sipas njoftimit në gazetë do të marrim 24 milionë lekë të vjetra por vetë nuk na kanë thënë. Nuk kam ku të vetë, ca të bëj vetëvrasje?! Është turp. Nuk kam ku shkoj. Kam dy fëmijë që edhe ata me familjet e tyre jetojnë në shtëpi të kohës së Enverit një dhomë e kuzhinë," thotë nga banorët e prekur.
Sipas burimeve, bëhet fjalë për 13 objekte të cilët preken nga ndëtimi i Lungomares, dhe se ato ndodhen jo në anën e bregdetit, por mbi rrugë.
Ndër banesat që po prishen aktualisht janë të banuara dhe kanë brenda orendi shtëpiake, per te cilat isnpektorët komnikuan me banorët për t'i hequr.
Gjatë gjithë paradites ka patur rezistencë dhe debate mes banorëve, policisë dhe INUK pasi banorët thonë se janë lajmeruar për të dalë nga shtëpite vetëm ditën e shtunë dhe pa asnjë shkresë zyrtare.
Disave u ka dalë emri në gazetë si persona që do të dëmshpërblehen por ato nuk kanë besim, madje shprehen pesimistë për procedurat e gjata burokratike për ti marrë.
Momentalisht ata janë të pastrehë dhe u duhet të strehohen tek të afërmit.
Për më shumë klikoni në http://www.oranews.tv/
