Kreu i opozitës, Lulzim Basha, duke folur nga mbledhja e grupit parlamentar, tha se tashmë sfidë e qeverisë mbetet hapja e negociatave, pasi siç theksoi ai punën më të madhe për statusin e ka bërë PD.
Basha nënvizoi se Shqipëria e meriton statusin kandidat dhe do ta kishte marrë atë që në 2012, por sipas kreut opozitar, Rama e frenoi atë me tre ligjet. Duke folur edhe për vizitën e tij në Gjermani, kreu demokrat tha se gjatë takimeve me anëtarë të partisë së kancelares gjermane Angela Merkel ai ka kërkuar që Shqipërisë t'i jepet status ii vendit kanididat.
"Na kjo vizitë tepër mbreslënëse vij me njohjen e shumë kontrobuteve për që qeverinë që ka dhënë PD-ja, për zgjedhjet më të mira, për transferimin e pushtetit si dhe opozitarizmin e tanishëm. Në baze të qëndrimit tonë të njohur politik, kemi vazhduar përpjekjet për marrjen e statusit të vendit kandidat, do e kishin marrë që në vitin 2012, nëse Rama nuk do kishte vendosur veton për tre ligjet. Shqipëria e meriton statusin për nevojën jetike që ka vendi për të shënuar stacionin e radhës. Kemi bindjen se axhenda e brendshme demokratike është vendimtare për hapjen e negociatave. Apelojmë për përshpejtim në këtë drejtim. Qeverisë së majtë nuk i mbeti vetëm ta merrte statusin, tani është detyrë e dyshes Rama-Meta të përmbushë kriteret për hapjen e negociatave, ky është testi i saj" u shpreh Basha.
Basha: Urime Kosovës dhe Thaçit për zgjedhjet
Kreu i Partisë Demokratike ka përshëndetur dhe mbajtjen e zgjedhjeve në Kosovë si dhe ka shprehur urimet për fitoren e Hashim Thaçit
"Zgjedhjet në Kosovë janë një hap i madh dhe tregues domethënës i pjekurisë së Kosovës në rrugën e demokracisë dhe rrugën Evropiane. Përgëzoj PDK-në dhe kryeministrin Thaçi si dhe të gjitha partitë e tjera, urojmë konstituimin e Kuvendit dhe qeverisë së re. Për Partinë Demokratike Kosova mbetet e rëndësisë së parë." tha Basha.
Basha: Rama-Tahiri në histori për numrin e lartë të gjobave të vëna
Kreu i PD tha ndër të tjera se në vend është përkeqësuar rendi publik. Sipas tij kryeministri Rama dhe Ministri i Brendshëm Tahiri do hyjnë në histori vetëm se i kanë hapur rrugë gjobave dhe krimit në policinë e shtetit.
"Po mbushen 300 ditët për vendosjen e rendit publik. Ku janë sot, çfarë kanë arritur sot me reprezaljet e tyre kur statistikat flasin për përkeqësim të rendit publik. Kanë shkëlqyer me gjobat korruptive i kanë hapur rrugë krimit në policinë e shtetit. Rama e Tahiri e kanë prenotuar bindshëm një vend në histori, të gjobave dhe krimit në polici. Me Ramën në krye krimi i ka shpallur luftë shtetit, vlerave demokracisë e zgjedhjeve", shtoi Basha, ndërsa tha se opozita është këtu pikërisht për t'i shpallur luftë këtyre fenomeneve." theksoi kreu demokrat
