Maqedonia ka kapacitete të mjaftueshëm për gaz natyror, për t'i përmbushur nevojat gjatë 5 apo 6 viteve të ardhshme. Ky është qëndrimi i Konstantin Dimitrovit nga Qendra për Efikasitet Energjetik -- MACEF. Ai thotë se shteti nuk e shfrytëzon tërësisht kapacitetin që ka për momentin në dispozicion; përkatësisht e përdor shumë më pak këtë burim energjetik në krahasim me sasitë maksimale që mund të dërgohen tek konsumatorët.
"Ajo që kemi sot si transport të gazit natyror, do t'i përmbush nevojat tona. Kemi kapacitet prej 800 milion metër/kub, kurse sot shpenzojmë rreth 200 deri më 250 milion metër/kub. Dhe siç e shikoni, ne kemi rezerva të mjaftueshme. Kështu, konsumatorëve të tjerë të ardhshëm në Maqedoni iu duhet kohë që të përfshihen, dhe kjo do të thotë se duhet të montohen sisteme transferuese, gjë që është filluar të bëhet me kredinë ruse.. kurse më pas, të bëhet sistemi shpërndarës, që po ashtu kërkon 3 deri në 5 vjet", tha Konstantin Dimitrov -- MACEF.
Dimtirov thotë se pikërisht gazi është një siguri e madhe për ekonominë vendore dhe atë shtëpiake. Shfrytëzuesit duhet të bëjnë zgjidhje mes energjisë elektrike dhe karburantit të lëngtë dhe të gaztë. Pikërisht oferta më e madhe e burimeve energjetike mund të sjell garë dhe ulje të çmimeve të burimeve energjetike. Dimitrov thotë se është mirë që Maqedonia të kyçet edhe në gazsjellësin "Trans Adriatik" si dhe në gazsjellësin "Përroi Jugore", që do të siguroj stabilitet në furnizimin me gaz natyror.
"Ne mundem të përfshihemi kur të dojmë, dhe kjo është diçka e mirë. Mirë është kur ke dy alternativa dhe dy ofrues të gazit natyror. Kjo sjellë konkurrencë të ndërsjellë dhe çmimin më të ulët, gjë që do i shkonte për shtati Maqedonisë", deklaroi Konstantin Dimitrov -- MACEF.
Sipas Dimitrovit, nuk duhet të lejohet që 30 deri 40% e nevojave energjetike të vendit, të jenë karburant i lëngtë. Sipas tij, gjithnjë duhet të bëhet një ndarje e tregut. Verica Pavllovski
