SARANDE- 6 shtetas nga Laçi dhe Kruja janë fiksuar nga një kamera sigurie vetëm pak momente pas vrasjes së marangozit nga Saranda Edmond Mehmeti. Pamjet tregojnë qartazi 5 persona që largohen me vrap në këmbë dhe një tjetër me makinë që nxiton t'u dalë në fillim të rrugës. Policia beson se personat në fjalë janë autorët e krimit të rëndë. 3 prej tyre janë vënë në pranga, ndërsa 3 të tjerë janë shpallur në kërkim.
Autorët janë idenfikuar si Ledi Hysa 25 vjec, Ajman Zyba 21 vjec të dy nga Laci, ndërsa Ylli Reci, 23 vjec, Gani Hysa, 41 vjec, Elion Hysa 31 vjec, dhe Keivi Hysa 23 vjeç nga Kruja.
Shtetasit në fjalë tashmë të akuzuar për vrasje ndodheshin me pushime në Ksamil ku edhe ka nisur sherri, që çoi në vrasjen brutale të 32-vjeçarit nga Saranda.
Pamjet e kameras së sigurisë ku shfaqen në ikje e sipër 6 personat e dyshuar ka qënë pikënisja e hetimit të policisë që ka çuar më pas në zbulimin e plotë të autorëve.
Sipas policisë personat e ndaluar dhe shpallur në kërkim kanë rrahur fillimisht 32-vjeçarin Edmond Mehmeti dhe më pas e kanë vrarë në makinën e tij.
Ngjarja ka nisur pas një sherri banal të ndodhur mes viktimës dhe dy prej autorëve, Gani dhe Keivi Hysa, xhaxha e nip në ambientet e një prej lokaleve të Sarandës në 9 korrik. Ky konflikt i lindur është ende i paqartë, por sipas burimeve mësohet se viktima pretendohet se ka ngacmuar motrën e një prej autorëve të ngjarjes.
Një ditë më pas xhaxha e nip kanë njoftuar shokët e tyre për konfliktin dhe mbrëmjen e 10 korrikut ata kanë kërkuar marangozin në Sarandë e i kanë zënë pritë në vendin e quajtur Bukovile.
6 autorët kanë rrethuar mjetin sapo u shfaq preja e tyre, 32 vjeçarin sarandiot, duke i thyer xhamat me shkop bejsbolli dhe pas kësaj njëri prej tyre ka qëlluar për vdekje në drejtim të Edmon Mehmeti.
