TIRANË - Droga dhe akuzat per trafik ajror drejt Italisë kanë qenë kryefjala e seancës së parë kuvendore për këtë sesion parlamentar, ku opozita dhe mazhoranca janë përplasur me tone të ashpra. Ministri i Brendshëm Saimir Tahiri publikoi vendimin e qeverisë Berisha pak përpara zgjedhjeve të vitit 2013, për t?i dhuruar tokë në Orikum ish-shefit të antidrogës Dritan Zagani, aktualisht në arrati. Deklarata është shoqëruar me tension në sallën e Kuvendit ku opozita disa herë ka ndërprerë fjalën e ministrit të kabinetit qeveritar.
?Ja ku e keni vendimin, i keni falur Dritan Zaganit ?salla ish-ekonomi ndihmëse orikum?, tokë në bregdet Objekt në bregdet. Për cilën arsye e keni blerë këtë oficer policie?, - tha ministri Tahiri.
Deklarata e Tahirit është shoqëruar me replikë mes tij dhe kreut të grupit kuvendor Edi Paloka, pas të cilave kryeparlamentari Meta vendosi ndërprerjen e seances për disa minuta, për shkak se deputetët e PD-së jo vetëm ngritën tonet e debatit por u çuan para aolës së Kuvendit ndërsa fliste ministri.
?Ministri i brendshëm, heroi i Lazaratit e quanin para disa kohësh, heroi që mbushi Shqipërinë me kanabis. Edhe një mushkonjë tjetër u kap prapë në Itali. Ju paralajmëruan, ju thamë ka të tjerë që vazhdojnë se kanë mbështetjen e këtij këtu. A mund të vazhdohet më me një ministër të tillë??, tha Paloka.
