Rreth orës 03.30 të mëngjesit në Fushë-Krujë,në afërsi të Karburantit IT-oil është hapur një gropë e vogël, ku mendohet të ketë shpërthyer një lëndë plasëse eksplozivi artizanal.
Për pasojë, janë thyer xhamat enjë lokali aty pranë dhe një xham i një autobuzi, por fatmirësisht nuk ka të dëmtuar në njerëz.
Menjëherë në vendngjarje ka shkuar grupi hetimor dhe po punon për zbardhjen e plotë të ngjarjes.
Hetimet e policisë janë shtrirë në dy pista, pasi dyshohet se objektiv i shpërthimit mund të kenë qenë autobusat për shkak të konflikteve të shpeshta për konkurrencë me drejtuesit e furgonave, por gjithashtu dyshohet edhe për ndonjë konflikt të pronarit të pikës karburantit.
