Lufta kundër informalitetit do të shtrihet edhe në fushën e transporteve. Ministri i Transporteve dhe Infrastrukturës, Edmond Haxhinasto deklaroi se tashmë është gati paketa e plotë e masave për luftën kundër informalitetit. Kjo paketë është miratuar në mbledhjen e fundit të qeverisë së bashku me një kalendar për zbatimin e saj.
Licensimi i automjeteve, përmirësimi i shërbimit taksi, pronësia e mjeteve të transportit, çertifikimi i serviseve dhe dëmtimi i rrugëve janë disa nga askpektet kryesore të përfshira në paketë. Sipas Haxhinastos, qëllimi i qeverisë nuk është që të mbushet buxheti me gjoba apo taksa por ?që ta sjellim këtë sekor të ekonomisë në normalitet dhe t'u garantojmë qytetarve një siguri shërbimi më të lartë?.
Fillimisht, ministri u ndal në çështjen e licensimit të automjeteve. ?Masat do të kenë të bëjnë me licensimin e subjekteve të angazhuar në transport. Ju e dini që transporti i qytetarëve është mjaft i ndjeshëm sa i takon elementëve të sigurisë, prandaj është domosdoshëmri që operatorët të jenë të licensuar?, tha Haxhinasto.
Sa i takon amortizimit të mjeteve të transportit ndërqytetas, Haxhinasto pohoi se pas një viti të gjithë shoqëritë do të duhet të rinovojnë 20% të flotës së tyre, ndërsa brenda 6 vitesh do të jetë ndërruar e gjithë flota e autobuzëve.
Një vëmendje të veçantë në paketën e msave do të ketë përmirësimi i shërbimit taksi. Sipas Haxhinastos të gjithë ata që operojnë në këtë sektor të transportit, duhet të vendosin në përdorim taksimetrat dhe pagesa të kryhet vetëm mbi bazën e tyre dhe jo me çmime aforfe. Po ashtu do të ushtrohen kontrolle të rrepta mbi biletimin, pasi qytetari duhet të shërbehet për atë që ka paguar.
