SHBA- Nëntë persona janë vrarë dhe shtatë janë plagosur pas një sulmi me armë në një kolegj në shtetin amerikan të Oregonit. Autori, një 26-vjeçar, hapi zjarr brenda kolegjit, ndërsa më pas u vra nga forcat e policisë.
Motivi që çoi 26-vjeçarin Chris Harper Mercer të ndërmerrte këtë akt ende nuk dihet, por autoritetet po merren me paralajmërimet që ai kishte bërë në mediat sociale. Menjëherë pas kësaj ngjarje, presidenti amerikan Barak Obama doli në një konferencë për shtyp dhe i irrituar kërkoi ashpërsimin e ligjeve për mbajtjen e armëve.
?Mendimet dhe lutjet tona nuk janë të mjaftueshme. Kjo nuk është e mjaftueshme, pasi nuk bën asgjë për të ndaluar këto masakra. Ne nuk jemi vendi i vetëm në Tokë që ka njerëz me sëmundje mendore që dëshirojnë të bëjë dëme në njerëz të tjerë. Por ne jemi i vetmi vend i avancuar në Tokë që shikon nga këto vrasje masive çdo muaj?,- tha Obama.
