Dy efektivë të policisë së Korcës akuzohen për dhunimin e një invalideje në fshatin Dishnicë. 26 vjecarja, Majlinda Mehmetaj hedh akzua se efektivët e kanë rrëzuar nga karrova e invalidit së bashku me foshnjën 8 muajshe kur ndodheshin në shtëpinë e saj për të shoqëruar bashkëshortin.
Policët sipas të resë e kanë shtyrë në momentin kur ajo po u kërkonte përgjigje se për cfarë arsye po e merrnin bashkëshortin e saj. Avni Mehmetaj kishte pasur një konflikt me fqinjin e tij, dhe për këtë efektivët e shoqëruan për ta marrë në pyetje.
Pas këtij denoncimi të 26 vjecares, Shërbimi i cështjeve të brendëshme dhe ankesave ka nisur një grup hetimor për këtë rast.
Ndërsa në reagimin zyrtar, Komisariati i Policisë së Korçës hedh poshtë akuzat e Majlinda Mehmetajt. Në këtë përgjigje policia shprehet se efektivët nuk kanë ushtruar dhunë fizike ndaj saj, duke arsyetuar se kur zonja është ndjerë keq, ata kanë njoftuar ambulancën për ti dhënë ndihmë.
