Komisioni Qendror i Zgjedhjeve qe përmbylli procesin e 23 qershorit do te mbahet mend si një nder me te debatuarit ne historinë e zgjedhjeve ne Shqipëri. Ne një vit, ai ndryshoi si pasoje e marrëveshjeve dhe divergjencave politike. Pas marrëveshjes politike mes forcave te mëdha për një formule te re te KQZ, sipas balancës politike ku PD kishte kryesimin dhe raportin 4 me 3, KQZ u riformatua. Trupës se mëparshme zgjedhore iu ndërpre mandati para kohe dhe në tetor të 2012, mazhoranca votoi e vetme Lefteri Lleshin ne krye te KQZ. Kuvendi miratoi gjithashtu dhe anëtarët Hysen Osmanaj, Vera Shtjefni, Albana Shtylla, Denar Biba, Ilirjan Muho dhe Jani Jani. Por puna e këtij institucioni, nisi të çalonte ne momentin kur LSI lajmëroi largimin nga aleanca me demokratët. Balanca ne KQZ u prish, pasi aleatet e rinj kishin shumicën. Berisha i kërkoi komisionit të ligjeve zëvendësimin e anëtarit të LSI Ilirjan Muho, me një emër të propozuar nga PR. Ky propozim i kthyer në vendim, alarmoi socialistët, që e cilësuan këtë aktin në kundërshtim me ligjin. Ilirjan Muho u shkarkua nga parlamenti dhe vendin e tij e zuri Klement Zguri. Menjëherë pas kësaj, dy anëtarët e propozuar nga PS, Denar Biba dhe Albana Shtylla, dhanë dorëheqjen, duke u pasuar nga anëtari i PBDNJ Jani Jani. KQZ mbeti me 4 anëtarë, pikërisht ne prag te zgjedhjeve, duke vështirësuar funksionimin, pasi institucionit i mungonte kuorumi prej 5 votash per vendime te rëndësishme. Kjo situate vuri ne lëvizje edhe ndërkombëtaret, te cilet kritikuan shkarkimin e Muhos nga kuvendi, por nga ana tjetër kembengulen deri ne fund se kishte kohe per nje marrëveshje politike per plotësimin e trupës zgjedhore. Megjithatë, palet nuk rane ne kompromis. Zgjedhjet u zhvilluan me nje KQZ me 4 anëtarë, e cila siç pritej, i kalii Kolegjit ndarjen e mandateve. Tashme pyetja qe shtrohet per KQZ eshte nese ky institucion do te vazhdoje te funksionoje sipas balancimit politik, pra a do t'i nënshtrohet trupa zgjedhore ndryshimeve te diktuara nga mazhoranca e re?
