http://www.vizionplus.tv
https://facebook.com/VizionPlusTV
https://twitter.com/VizionPlusTV
Dikur mirëmbajtja e pallateve dhe oborreve behej nga banoret përmes aksioneve te përbashkëta. Ndërsa sot ky proces ne pallatet e reja i është deleguar një administratori, e ne te vjetrat, banoret duket se nuk interesohen përtej derës se tyre. Ne një kompleks ne kryeqytetit, pastërtia, gjelbërimi dhe rregulli janë disa nga kriteret pse qytetaret zgjedhin te jetojnë aty. Por kur behet fjale për mirëmbajtjen, e konkretisht për pagesat mujore, për shkallet, ashensorin apo pastrimin, zor se banoret bëhen te gjithë ne një mendje. Qytetaret ankohen se jo te gjithë paguajnë dhe kjo vjen për shkak te gjendjes ekonomike dhe kulturës se munguar te detyrimeve te jetesës ne komunitet. Ndërsa administratori i kompleksit Nazif Pepa , i cili ndeshet me hallet e banoreve na tregon se pensionistet janë me te rregullt ne pagesa sesa familjet me te rinj. Ai administron rreth 100 familje dhe thotë se has vështirësi ne mbledhjen e pagesave mujore. Por situata është me problematike ne pallatet e vjetra. Mungesa e një administratori te përbashkët e bën menaxhimin e hapësirave komunitare edhe me te vështirë dhe mirëmbajtja mbetet ne vullnetin e lire te familjeve. Disa vite me pare qeveria miratoi ligji për asamblenë e bashkëpronareve, qe parashikon një pagese fikse te qytetareve për administrimin e hapësirave te përbashkëta. Ky ligj parashikon krijimin e një bashkësie qytetaresh te cilët zgjidhen me shumice votash dhe merren me menaxhimin e punëve. Edhe pse ligji parashikon penalitete për banoret qe nuk paguajnë, si shume te tjerë, zor se zbatohet.
