http://www.vizionplus.tv
https://facebook.com/VizionPlusTV
https://twitter.com/VizionPlusTV
Periudha tranzitore e pushtetit nga e djathta tek e majta qe fitoi zgjedhjet e 23 qershorit po shkon drejt fundit. Një jave para se te mblidhet parlamenti moment kur do te zyrtarizohet maxhoranca e re te paret qe kane dhëne dorëheqjen janë këshilltaret e kryeministrit Sali Berisha. Nga 23 personat e kabinetit te kryeministrit te vetmit qe do te qëndrojnë ne detyre deri ne largimin e tij janë shefi i kabinetit, shefja e protokollit, zëdhënësja si dhe 2 sekretaret personale. Gjate javës se pare te shtatorit pritet te plotësojnë procedurat e largimit stafet politike te 15 ministrive si dhe te kuvendit rreth 100 persona qe kane shërbyer si shefa kabineti apo këshilltare. I gjithë muaji gusht për ministritë ka qene një periudhe e ngjeshur pune për te përgatitur dosjet e projekteve qe do tu lihen gati ministrave te rinj. Por siç ndodh zakonisht kur ndërrohen qeveritë, dilema me e madhe është seç do te ndodhe me mijëra punonjësit e administratës dhe veçanërisht atyre qe kane statusin e nëpunësit civil. Kur e djathta erdhi ne pushtet ne vitin 2005 beri shkarkime pa e përfillur ligjin dhe progres raporti i Komisionit Europian i vitit 2006 kritikoi qeverinë Berisha se minoi sigurinë ligjore te nenpunesve civile. Këtë here pasiguria e nenpunesve lidhet fillimisht me ristrukturimin e ministrive pasi nga 15 qe ka aktualisht kabineti Berisha, qeveria Rama ka 19 ministri. Ligji aktual për shërbimin civil nuk i mbron punonjësit nga humbja e vendit te punës për shkak te ristrukturimit te institucioneve. Këtë mbrojtje nenpunesve civile ia jep vetëm ligji i ri i cili u miratua ne parlament ne seancën e jashtëzakonshme te 30 majit dhe hyn ne fuqi ne 15 tetor. Ne nenin 50 te këtij ligji sanksionohet se ne rast te mbylljes dhe ristrukturimit te institucionit nepunesi civil transferohet ne nje pozicion tjetër te se njëjtës kategori. Mbetet për t'u pare se sa nenpunes civil do te largohen nga puna deri ne 15 tetor me argumentin e structures se re te qeverise. Aktualisht ne administrate punojnë rreth 89 mije persona dhe .......kane statusin e nenpunesit civil.
