http://www.vizionplus.tv
https://facebook.com/VizionPlusTV
https://twitter.com/VizionPlusTV
Qeveria e kryeministrit Edi Rama ka vendosur të krijojë një model të ri komunikimi me publikun. Mënyra që propozon qeveria e re, rregullohet permes kodit etik, i cili orienton ministrat se si duhet të jetë komunikimi mes tyre, me qytetarët, me deputetët, por dhe me mediat. Në qeverinë e re është rënë dakord që aktiviteti mediatik te kaloje nga një drejtori në kryeministri e cila do të koordinojë kohën dhe mesazhin qe do të përcillet tek publiku. Permes nje grafiku do të shmanget dalia e dy ministrave brenda javës përpara medias, duke vendosur dhe nje forme liste te brendshme. Gjithashtu ky institucion do te kontrolloje qe te mos kete deklarata kontradiktore brenda ministrive te te njëjtës qeveri. Vete ministritë kane te përfshire ne strukture një këshilltar për mediat qe do te koordinoje punën mes ministrisë dhe zyrës se ngritur per këtë qellim ne kryeministri. Kabinetit qeveritar i është kërkuar që përmes konkurseve të përzgjidhen njerëz të aftë, që njohin mirë çështjet e institucionit dhe dinë të përgjigjen për to. Kjo është një përpjekje për të shmangur modelin e zëdhënësve të viteve të fundit, për të cilët opinioni publik krijoi perceptimin se zgjidhen vetëm për shkak të pamjes fizike, më shumë sesa për aftësinë intelektuale. Me këtë kod etik synohet që ministrat të kujdesën për të krijuar frymë ekipi dhe pune në grup. Ajo qe ehte mësuar deri tani është se drejtoria e komunikimit do te vendoset ne kryeministri e do te funksionoje me një staf prej 25 punonjësish dedikuar marrëdhënieve me median. Media e ka cilësuar këtë mënyrë komunikimi si kodi i heshtjes, ndërsa opozita ironizoi këtë praktike dhe u shpreh se kjo është një mënyrë për të centralizuar informacionin. Per kodin etik, vetë kryeministri Rama ka thënë se ai bazohet në modelet më të arrira të mirëqeverisjes demokratike, por pavarësisht kësaj nuk tregohet vendi se nga është marrë modeli. nuk dihet gjithashtu edhe cila do të jetë praktika që do të ndjekin ministrat për intervistat televizive, nëse do duhet leje pranë drejtorisë së komunikimit, apo secili ministër do të jetë sovran në vendimin që do marrë për këtë komunikim?
