http://www.vizionplus.tv
https://facebook.com/VizionPlusTV
https://twitter.com/VizionPlusTV
Në Prishtine kjo shfaqje u vu vetëm një mbrëmje në skenë, për shkak të debatit shkaktoi kryesisht në rrjetet sociale. Behet fjale për dramën e artistit nga Kosova, Jeton Neziraj, "Shëmbja e Kullës së Ajfelit" dhe njërit prej personazheve të pjesës, i cili këmbëngul qe t'iu heqë grave myslimane të Parisit mbulesën nga koka. Neziraj është frymëzuar pikërisht nga debati publik që u bë në Francë mbi këtë temë, e cila nuk është aspak e panjohur edhe për Kosovën apo Shqipërinë, ku mbajtja e shamisë nuk është lejuar nga drejtues të disa institucioneve arsimore. Jo vetëm pjesa, por edhe spoti që reklamon shfaqjen është debatues, pasi kulla Eifel shembet prej shpërthimit të gjysmë hënës me yll. Por, Neziraj thotë se qëllimi i tij nuk është pozicionimi pro ose kundër ndaj debatit, thjesht tregues i botë-kuptimeve të ndryshme. Pas Tiranës, "Shembja e Kullës së Ajfelit", e cila do të vijë në Teatrin Kombëtar mbrëmjen e të premtes dhe të shtunës, udhëton në fund të muajit edhe drejt Beogradit.
