http://www.vizionplus.tv
https://facebook.com/VizionPlusTV
https://twitter.com/VizionPlusTV
Nuk i ka shpëtuar më sfidës së Dance Off Kastro Zizo, duke u bërë i katërti personazh vip që largohet nga ky sezon i "Dancing with the Stars Albania". Ai dhe aktori Arben Derhemi kanë qenë më pak të votuarit nga përmbledhja e pikëve të jurisë dhe publikut duke u venë përballë njeri-tjetrit me performancat e tyre, çarleston për Zizon dhe vals për Derhemin. Por, kjo puntatë e "Dancing with the Stars" në Vizion Plus ka qenë pikante në pjesën e dyte të garës së personazheve publike. Me zhanrin e Burleskut, yjet femra, Flaka Krelani, Lori Hoxha, Aulona Musta dhe Aurela Hoxha u prezantuan si kurrë më parë. Hilaritet e batuta ka shkaktuar edhe performanca e yjeve meshkuj, Arjon Muços, Albano Bogdos, Andos, Kastro Zizos apo Arben Derhemin. Më herët gjatë mbrëmjes personazhet vip garuan edhe në gjinitë tradicionale tashme të "Dancing with the Stars", duke e nisur mbrëmjen me një rumba, e mbyllur raundin e parë të garës po me një vallëzim të tillë.
