http://www.vizionplus.tv
https://facebook.com/VizionPlusTV
https://twitter.com/VizionPlusTV
Do të duhen të paktën tre vjet që kryeqytetasit të provojnë një udhëtim me tram. Deri tani Bashkia e Tiranës ka arritur të përcaktoje vetëm gjurmën e tij e cila mendohet te shtrihet ne tre linja. Veri - Jug që do të kaloje nga sheshi Nene Tereza nëpër Bulevard për të ndaluar në terminalin e pasagjereve edhe ai i pandërruar ende. Lindje-Perëndim që do të përshkoje Kombinat-Kinostudio përmes Rrugës së Dibrës. Dhe linja e tretë është Unaza e Brendshme e qytetit. Për t'u zgjidhur është edhe çështja e financimit, ndaj gjate analizës për vitin 2013 kryebashkiaku Lulzim Basha pohoi se është hequr dorë nga marrja e huase për ndërtimin e tramit me vlerë 160 milionë euro ku përfshihet lëvizja e 20 trenave. Bileta e tramit mendohet të jetë 50 lekë të rinj, por deri atëherë qytetaret do teë vijojnë te udhëtojnë me urban, ndaj Basha theksoi se bashkia do vendosë veton për të mos u rritur çmimi i biletës. Sipas kryebashkiakut vitin e ardhshëm do të ketë me shumë lehtësi për ndërtuesit përmes edhe marrjes së lejes për 45 ditë. Në këtë fundvit mund të thuhet se ndërsa të djathtëve u mbeten rreth 17 muaj për të qeverisur asnjë nga projektet madhore të programit të tyre nuk do të përfundohet brenda këtij mandati. Këtu përveç tramit që mund të bëhet realitet në 2017, bën pjese edhe zgjatimi i Bulevardit të Tiranës, pastrimi i lumit të Lanes dhe përfundimi i Unazës së Madhe të Tiranës.
