http://www.vizionplus.tv
https://facebook.com/VizionPlusTV
https://twitter.com/VizionPlusTV
Qeveria do të rishikojë ligjin për dëmshpërblimin e ish-të përndjekurve dhe burgosurve politik duke favorizuar ata individë që janë në moshë të madhe, kryesisht mbi 70 vjeç, si dhe ata që janë të sëmure. Lajmin e bën të ditur Ministri i Mirëqenies Sociale, Erjon Veliaj i cili ka paralajmëruar se gjatë muajit të ardhshëm do të nise edhe shpërndarja e parave për dëmshpërblimin e kësaj kategorie për vitin 2014. Perfaqesuesit e Institutit te Ish-te Përndjekurve thonë se pjesë e ligjit duhet të jetë edhe barazia që duhet t'u ofrohet individëve. Nëse sot ka ish-te burgosur që kanë marrë më shume se një këst parash, për te tjerë s'ka nisur ende. Sipas shifrave zyrtare të një raporti te Ministrisë së Financave, janë protokolluar gjithsej 20 mijë e 800 kërkua, nga ish-të dënuar politik që duan dëmshpërblim. Ndërkohe që fatura financiare e përllogaritur arrin në 435 milion dollar, një kosto kjo e cila nuk ka ende një vizion të qartë se si do të përballohet nga buxheti i shtetit.
