http://www.vizionplus.tv
https://facebook.com/VizionPlusTV
https://twitter.com/VizionPlusTV
Thuajse në të gjithë Shqipërinë dhe në trevat shqipfolëse emri i Ndre Mjedës është mjaft i njohur si poet rilindas, filozof, klerik, studiues, por pak kush e di se të gjithë veprimtarinë e tij ai e zhvilloi në këtë shtëpi. Kjo ndërtese gjendet në një fshat të largët midis Shkodrës dhe Lezhës, i quajtur Kukël. Ndryshe nga kleriku tjetër, Fishta, i cili gjatë kohës se komunizmit ishte një autor i ndaluar, Ndre Mejda dhe veprat e tij u ruajtën me kujdes gjithashtu ishin të njohura për të gjithë. Shtëpinë e tij Mjeda e ndërtoi në vitin 1907, ndërsa kishën në vitin 1913, me një stil neoklasik të projektuar nga vetë ai. Ne vitet 90 kjo shtëpi ishte në gjendje të mjerueshme dhe e braktisur, deri në ardhjen e Dom Nikë Ukgjini i cili u kujdes që kjo ndërtese të rikonstruktohej. Kjo është nga të paktat shtëpi, e cila vazhdon të këtë përkujdesje dhe trashëgimia e lëne prej rilindësve ruhet me kujdes dhe fanatizëm, jo nga shteti por nga bamirës nga Shkodra dhe Diaspora që kërkojnë që kontributi i Ndre Mjedës të mos humbëse.
