http://www.vizionplus.tv
https://facebook.com/VizionPlusTV
https://twitter.com/VizionPlusTV
Të gjitha ato ndërtime të bëra pas 2009, në tokë me pronar të huaj ose në pronë shteti, as nuk do të legalizohen dhe as nuk do të prishen. Ky është qëndrimi i Drejtorit të Legalizimeve Artan Lame, i cili sqaroi se behet fjalë për një shifër të përafërt në rreth 33 mijë objekte të tilla. Pas vitit 2009, ndërtimi pa leje u konsiderua vepër penale, ndaj qeveria do të legalizojë vetëm ato objekte që janë bërë në tokë private. Por procesi i legalizimeve i nisur në fillim të 2004, tashme, ka një premtim të ri se kur do të përfundojë. Por për të disatën herë, qeveria shqiptare sjell një premtim të ri. Duke prezantuar ndryshimet ligjore para Komisionit të Veprimtarive Prodhuese, Artan Lame tha se legalizimet masive përfundojnë brenda mandatit të parë. Në total janë rreth 270 mijë objekte pa leje të ndërtuara në vite. Por deri më sot, vetëm 21 mijë familje kanë arritur të marrin lejen e legalizimit, një shifër kjo që tregon se ky proces ka dështuar në vite. E shembulli më i mirë i kësaj është se vetë zyrat e ALUIZNI-t ndodhen në një objekt pa leje.
