http://www.vizionplus.tv
https://facebook.com/VizionPlusTV
https://twitter.com/VizionPlusTV
Nëse një vit më parë euro kuotohej në nivele të larta përballë lekut përkatësisht me 141 lekë, sot ajo është nën 140 lekë. Për herë të parë gjatë këtij viti pozitat e monedhës kombëtare në kursin e këmbimit kanë ndryshuar dhe kanë bërë që monedha e përbashkët europiane të shitet me 139.8 lekë. Por cilat kanë qenë arsyet që e kanë bërë lekun më të fortë? Rritja e eksporteve gjatë muajve të parë të vitit ka rritur kërkesën për lek, duke futur kështu më shumë euro në tregun vendas. Ndërsa një fakt tjetër i cili pranohet edhe nga Banka e Shqipërisë, është transferimi i fitimeve të kompanive të huaja.Kështu një pjesë e mirë e ndërmarrje të cilat punojnë në Shqipëri, fitimet e tyre i nxjerrin jashtë, duke sjellë rritjen e qarkullimit të monedhës kombëtare në tregun tonë. Ekspertët pranojnë edhe një dukuri të tretë që është dobësimi i monedhës europiane në tregjet ndërkombëtare. Megjithatë ky është një efekt sezonal, dhe pritet që edhe në javët e tjera monedha jonë të forcohet akoma shumë, pasi priten ardhjet e të huajve apo emigrantëve me hapjen e sezonit turistik. Në kursin e këmbimit valutor sot një dollar këmbehet me 102.6 lekë, ndërsa kemi një rritje të menjëhershme të paundit britanik i cili shitet me 172.8 lekë.
