http://www.vizionplus.tv
https://facebook.com/VizionPlusTV
https://twitter.com/VizionPlusTV
Holanda do të mbështesë Shqipërinë për marrjen e statusit të vendit kandidat në BE. Rikonfirmimi vjen nga Ambasadori i Mbretërisë së Holandës Martin De Labeij vetëm dy dite para se Parlamenti i Holandës të vendose mbi këtë çështje. Deklarata e diplomatit u bë në ceremoninë përkujtimore të gjeneralit Tomson në Durrës. Ushtarakut që dha jetën në Shqipëri 100 vjet më parë. "Jam i lumtur për vlerësimin që Shqipëria po i bën kolonelit Tomson, i cili dha jetën në emër të paqes dhe prosperitetit në vendin tuaj. Prania juaj këtu dëshmon shumë, ndërsa vlerësimi karshi kolonelit Tomson tregon se vendi juaj është pjesë e vlerave të Europës së bashkuar. Holanda do vazhdojë të qëndrojë pranë Shqipërisë ashtu sikurse edhe 100 vite më parë edhe në rrugën e Bashkimit Europian". Që nga 2003, busti i Kolonel Tomson është vendosur në qytetin e Durrësit, në shenjë nderimi për ushtarakun e parë që erdhi në Shqipëri me mision paqeruajtës nga Holanda.
