http://www.vizionplus.tv
https://facebook.com/VizionPlusTV
https://twitter.com/VizionPlusTV
Aksioni i ditëve të fundit në Lazarat duket se është një arsye më shumë që Shqipëria të marrë statusin e kandidatit javën e ardhshmen. Ambasadori grek Leonidas Rokanas, vendi i të cilit ka presidencën e radhës së Bashkimit Europian gjatë një konference për integrimin, ka mbështetur hapat e ndërmarra nga qeveria në luftën kundër lëndëve narkotike. Por pavarësisht mesazhit optimist të ambasadorit grek, kur ka mbetur më pak se një javë nga mbledhja e këshillit të ministrave 11 vende anëtare të unionit ende nuk janë shprehur në lidhje me ambiciet e Shqipërisë. Një prej këtyre vendeve është edhe Çekia me të cilën Shqipëria ka një problem të pazgjidhur siç është çështja e kompanisë CEZ. Në këtë kontekst Ministri i Jashtëm Ditmir Bushati ka bërë thirrje që vendimi për statusin të merret mbi bazën e reformave të realizuara nga Shqipëria dhe jo mbi bazën e çështjeve apo problemeve dypalëshe. Ndërkohë që Ministrja e Integrimit Gjosha dhe kryetarja e komisionit të Integrimit Bregu kanë përsëritur se Shqipëria e meriton statusin. Vendimi për statusin do të merret në mbledhjen e këshillit të ministrave që zhvillohet javën e ardhshme në datat 23-24 qershor. Edhe pse një pjesë e vendeve anëtare të BE deri tani kanë heshtur për Shqipërinë, vendi ynë ka një argument të fortë në favor siç është raporti i Komisionit Europian.
