http://www.vizionplus.tv
https://facebook.com/VizionPlusTV
https://twitter.com/VizionPlusTV
Në vitin 2017 edhe Vlora do të ketë Bypassin e saj që do të zgjidhë jo vetëm problemin e trafikut në këtë qytet, por do të rrisë edhe sigurinë rrugore. Projekti i financuar nga Banka Europiane e Investimeve u nënshkrua këtë të premte nga Ministri i Financave Shkëlqim Cani dhe zëvendëspresidenti i BEI, Dario Scannapieco. Sipas ministrit ky është një investim që vjen në formën e kredisë së butë për qeverinë shqiptare. Zëvendëspresidenti i Bankës Europiane të Investimeve tha se ka ardhur koha për Shqipërinë të restaurojë rritjen ekonomike dhe të luftojë papunësinë. Banka ka qenë një mbështetëse kryesore për projektet e infrastrukturës në Shqipëri. Marrja e kësaj kredie sjell kosto më të ulëta për buxhetin pasi ka interesa më të ulëta se ato që ofrojnë bankat tregtare.
