http://www.vizionplus.tv
https://facebook.com/VizionPlusTV
https://twitter.com/VizionPlusTV
Thellohet konflikti presidence-mazhorance per emërimet ne Gjykatën e Larte. Kur nuk është mbushur nje jave nga konsultimet qe presidenti zhvilloi me krerët e grupeve parlamentare per 2 vende vakante ne kete gjykate; Gramoz Ruçi dhe Petrit Vasili i janë drejtuar me nje leter kreut te shtetit duke i kërkuar te rihape procesin e kandidimit për emërimet ne Gjykatën e Larte. Dy kreret e grupeve parlamentare te maxhorances Ruçi e Vasili nuk jane treguar te kursyer ne kritikat drejtuar kreut te shtetit duke theksuar ne kete letër se nga Presidenti "kërkohet një proces përzgjedhës bazuar në kriteret ligjore dhe jo në perceptimet personale e as në parapëlqimet politike". "Takimet tona kane qene formale dhe ne asnje rast nuk jemi njohur me shkallen e plotësimit te kritereve objektive nga secili kandidat". Ruçi e Vasili janë te qarte per rrugën se si mund te arrihet bashkëpunimi për Gjykatën e Larte. "Te rihapet procesi i kandidimit duke mos e mbajtur ate peng te listave te mëparshme. Procesi përzgjedhës e konsultues te jete sa me transparent nëpërmjet nje seleksionimi korrekt e te paanshëm".Konflikti mes mazhorances dhe presidentit per vendet ne Gjykatën e Larte ka filluar muaj me pare dhe mazhoranca nuk ka hezituar te kritikoje procesin ne media ashtu sic nuk ka hezituar t'ia tregoje me vote qëndrimin e saj Presidentit duke i rrezuar 3 kandidatura per Gjykatën e Larte.
