http://www.vizionplus.tv
https://facebook.com/VizionPlusTV
https://twitter.com/VizionPlusTV
Edhe pse jo ne skene, si ditën e hëne, artistet e Teatrit Kombëtar te Operës dhe Baletit, kane vijuar protestën e tyre jashtë ambienteve te institucionit. Hyrja e administratës u rrethua me punonjës sigurie e kjo ka shkaktuar tension mes artisteve.
Ndërsa presin ende te marrin pagën e qershorit, Artistet pretendojnë se drejtuesit e teatrit po i detyrojnë te firmosin kontratat e reja, pa pranuar diskutime me ta. Por, menjëherë pas protestës, Ilir Kerni, drejtori i Teatrit te Operës dhe Baletit ne një reagim per mediat sqaroi se është i vendosur te gjeje një zgjidhje, por pa hequr dore nga firmosja e kontratave individuale. Ai pohoi se reforma është vendim i qeverise, por nuk dha detaje mbi mënyrën se si do te gjendet kjo zgjidhje. Sipas Ilir Kerni, kontratat e reja individuale me afat pune nga 2 deri ne 5 vjet janë firmosur nga 60 perqind e artisteve, ndërkohe qe ata pretendojnë te kundërtën. Një dite me pare, siç kishin deklaruar artistet nuk e bojkotuan koncertin e mbrëmjes ne respekt te publikut dhe te njëjtën gjë deklaruan se do te bëjnë edhe mbrëmjen e te martës.
