http://www.vizionplus.tv
https://facebook.com/VizionPlusTV
https://twitter.com/VizionPlusTV
?Ministria e Arsimit do t?i shkojë deri në fund procesit të rishikimit të licensave të disa shkollave private, nxënësit e të cilave, në masë, mbetën në provimet e maturës shtetërore?. Kështu është shprehur në Komisionin e Arsimit, ministrja që drejton këtë dikaster në qeveri, Lindita Nikolla. Duke folur për maturën shtetërore, ministrja theksoi se tashmë nuk egzistojnë më dukuri të ndeshura shpesh në të shkuarën, sic ishin shitja e testeve. ?Tashmë matura shtetërore është larguar nga përvoja e kaluar ku sipas saj testet shiteshin rrugës, janë penalizuar ata që tentuan të kopjojnë, si dhe ka nisur kallëzimi penal për mësuesit?- u shpreh Nikolla. Duke folur për reformat që do të marrë Ministria e Arsimit në vitin e ardhshëm shkollor, Nikolla theksoi se duke filluar nga ky shtator, 120 tekste do të hiqen nga katalogu i përgjithshëm, pasi kanë rezultuar me probleme. ?Nëse këto tekste nuk do të korrigjohen nga botuesit, do të hiqen fare nga përdorimi?- theksoi Ministrja e Arsimit.
