http://www.vizionplus.tv
https://facebook.com/VizionPlusTV
https://twitter.com/VizionPlusTV
Operacioni i Operatorit të Sistemit të Shpërndarjes mbështetur edhe nga policia për prerjen e lidhjeve të paligjshme të energjisë elektrike dhe për arrestimin e vjedhësve është shtrirë tashmë në të gjithë vendin. Drejtori i OSHEE në Fier që mbulon edhe Vlorën thotë se operacioni ka dhënë rezultat që në dy ditët e para. Në drejtorinë e policisë të Fierit e të Vlorës janë depozituar listat me debitorët. Në total është një listë me 258 abonentë, nga këta janë ndërprerë 103 abonentë dhe janë ndaluar 9 për vjedhje të energjisë. Gjatë operacionit në Fier ka pasur edhe reagime nga banorët. Gruaja e njërit prej të arrestuarve ka mohuar që bashkëshorti i saj të ketë vjedhur energjinë. Do bëjnë trimëri me një 64 vjecar. Atje janë kilovatët ti hedhin në librezë e ti paguajmë por jo të më marrin burrin brenda, çfarë ka bërë burri im. Ne kemi qenë në emigracion nuk kemi qenë këtu fare. Ndërkohë në Lezhë gjatë dy ditëve të para të operacionit vjedhësit kryesorë energjisë elektrike kanë rezultuar bizneset ku në 9 raste sipërmarrësit janë proceduar penalisht nën akuzën e vjedhjes. Kontrollet janë kryer pranë tregut te lire ku mendohet se ka edhe me shume ndërhyrje ne sistem. Por në Lezhë nuk janë vetëm bizneset apo abonentët familjarë që kanë shpërdoruar apo nuk kanë paguar energjinë elektrike. Pjesa dërmuese e komunave,bashkive apo dhe drejtorive janë debitorët më të mëdhenj.
