http://www.vizionplus.tv
https://facebook.com/VizionPlusTV
https://twitter.com/VizionPlusTV
Buxheti i vitit 2015 do të jetë më i madhi i të gjithave viteve, 470 miliard lekë ose 4.7 miliard dollarë. Vizion plus ka siguruar draftin e hartuar nga Ministira e Financave të projektbuxhetit të vitit 2015-të i cili është 140 milion dollarë më shumë se ai i ketij viti. Në prioritetet e vendosura, ministria e financave ka listuar pikësëpari uljen e borxhit publik nga 71% e prodhimit të brendshëm bruto në 65.5%. Por qeveria nuk do të ndryshojë peshën që do t?i japë investimeve publike. Ato do të jenë 5% e prodhimit kombëtar dhe 100 milion dollarë më shumë se një vit më parë. Ndërsa sektorët kyç do të jenë: arsimi, shëndetësia, energjia dhe bujqësia. Në relacionin që shoqërues tw projektbuxhetit, nënvizohet se fondi për dëmshpërblimin e ish pronarëve do të qëndrojë 14 milion dollarë, po aq sa edhe ky vit. Financat në këtë rast kërkojnë që Ministria e Drejtësisë të bëjë gati sa më parë planin se si do të shlyhen ish pronarët, pasi vendimet e Strasburgut janë një kërcënim i përhershëm për buxhetin. Vetëm për një vendim buxhetit i duhet të paguajë 12 milion dollarë. Prioritet do të vijojë të mbetet edhe pagesa e detyrimeve të prapambetura të cilat kapin vlerën e 200 milion dollarëve. Po kështu një sasi e konsiderueshme do të jepet edhe për informatizimin e sistemit tatimor, të cilat do ndikojnë në uljen e korrupsionit të tatime. Rritja ekonomike në 2015-ën mendohet të shkojë në 3% dhe në strategjinë e hartuar nga financat deri në vitin 2017-të ekonomia jonë do të arrijë të rritet me 4.5%.
