http://www.vizionplus.tv
https://facebook.com/VizionPlusTV
https://twitter.com/VizionPlusTV
Zbardhet vrasja e katërfishtë e një dite më parë në një lokal nate në Rrugën e Elbasanit. Pas marrjes së dëshmive nga dëshmitarët okularë si dhe kryerjes së paraqitjes për njohje, është konfirmuar se autori i vetëm i ekzekutimeve është Kostandin Xhuvani. Këtë konkluzion e kanë përforcuar edhe filmimet e kamerave të vendosura në semaforin që ndodhet në Rrugën e Elbasanit, fare pranë vendit të krimit. Burime te policisë bëjnë të ditur se ato tregojnë Xhuvanin teksa del nga lokali me shpejtësi dhe merr një armë në makinën tip ?Benz? që ndodhej e parkuar buzë rrugës. Pasi ka marrë armën ai është kthyer brenda në lokal duke qëlluar pa shkëputje mbi Edison Jahon dhe Enea Xhajin. E gjithë kjo erdhi pak minuta pas një konflikti që kishin patur më parë brenda në lokal Xhuvani me dy shënjestrat e tij.Sipas policisë, Kostandin Xhuvani ka qëlluar mbi grupin e personave, dukë lënë të vrarë edhe shokun e tij Arbër Demiraj si dhe shtetasin italian Xhiampaolo Azola që ndodhej në tavolinën pranë. Dyshohet se konflikti mes dy grupeve ndodhi për blerjen e një sasie droge e llojit kokainë nga ana e Xhuvanit, tek një prej viktimave. Mosmarrëveshjet provokuan përplasjen që më pas përfundoi në një masakër të vërtetë. Sipas policisë, krimi duket se ka ndodhur nën efektin e alkoolit dhe të lëndëve narkotike, pasi në vendin e ngjarjes është gjetur edhe kokainë, edhe hashash. Ndërkohë, Prokuroria u ka komunikuar akuzat vetëm Xhuvanit dhe shokut të tij Erald Sida, pasi i treti, Albano Ballcaj rezulton të mos ketë qenë i përfshirë në ngjarje. Mbi Xhuvanin rendon akuza e armëmbajtjes pa leje dhe vrasjes ne rrethana cilësuese, e me shume se dy personave, për te cilën rrezikon dënimin jo me pak se 20 vjet deri ne burgim te përjetshëm. Ndërsa për Erald Siden policia ka referuar veprën penale te moskallëzimit te krimit dhe favorizim te prostitucionit. Mësohet se deri tani Xhuvani nuk ka pranuar te japë asnjë shpjegim para prokuroreve, madje nuk ka pranuar t?i vihet ne dispozicion asnjë avokat. Ndërsa i arrestuari tjetër ka pretenduar se nuk ka lidhje me ngjarjen, por nuk ka qene bashkëpunues me Prokurorinë. Materialeve hetimore pritet t?u bashkëngjiten edhe ekspertizat mjeko-ligjore te viktimave si dhe te armeve te krimit te cilat do te sqarojnë me shume dinamiken e ngjarjes. Ndërkohe qe nga te dhënat paraprake, mësohet se e vetmja arme qe është përdorur ne ngjarje është ajo e Xhuvanit e cila është gjetur e zbrazur, ndërsa arma tjetër e cila ende nuk dihet se kujt i përket është gjetur e pazbrazur, gje qe le dyshime se nuk është përdorur.
