http://www.vizionplus.tv
https://facebook.com/VizionPlusTV
https://twitter.com/VizionPlusTV
Leke Pervizi ka qene i internuar ne ish-kampin famëkeq te Tepelenës për katër vjet. Pervizi është rikthyer këtë te enjte bashke me bashkëshorten e tij ne këto ambiente te cilat ende sot janë nje plage e hapur per ta. Te dy bashkëshortet tregojnë se kujtimet i kane te freskëta e se ka qene me fat qe kane shpëtuar te gjalle nga kampi i internimit. Por çifti i bashkëshorteve te internuar ne kohen e diktaturës komuniste nuk kane qene te vetmit qe i janë rikthyer kujtimeve te hidhura. Nen moton ?Unë i Mbijetova Tepelenës? Instituti i Studimeve te Krimeve dhe Pasojave te Komunizmit ne bashkëpunim me Ambasadën Gjermane kane zhvilluar ne Tepelene nje konference përkujtimore mbi kampet e internimit ku morën pjese ish te internuar, fëmije te atyre qe humben jetën dhe ambasadori gjerman Helmut. Hoffman. Unë e quaj si diçka tragjike qe ne këtë vit ne Shqipëri qe do festohet 70 vjetori I çlirimit nga pushtuesit nazi - fashiste. Une Jam I ndërgjegjshëm për këtë situate dhe jo pa qellim shkova ne Borove aty ku është bere nje masakër e ushtrisë naziste ndaj popullsisë te fshatit. Ajo qe është e dhimbshme lidhet me faktin se këta njerëz qe dhanë jetën, kontribuan për çlirimin e vendit nuk e dinin se ne pushtet do te vinin njerez qe 46 vjet do te sundonin dhe qeverisnin kundër popullit te tyre. Leke Pervizi, ish i internuari i kampit te Tepelenes ka çelur edhe nje ekspozite ne ambientet e jashtme te asaj çka ka mbetur sot nga kampi. Skicat dhe portretet pasqyrojnë aspekte nga puna dhe mënyra e jetesës ne këtë kamp. Madje nje nga punimet e autorit paraqet tragjedinë e fëmijëve, kur ne nje nate ne këtë kamp humben jetën 33 fëmije. Kampi i përqendrimit ne Tepelene funksionoi nga vitet 1949 deri ne vitin 1954. Vetëm gjate vitit te pare ne këtë kamp humben jetën 245 te internuar.
