http://www.vizionplus.tv
https://facebook.com/VizionPlusTV
https://twitter.com/VizionPlusTV
Për herë të parë pas vendimit të injektimit të 1.1 trilionë eurove në treg në bazë të vendimit që morri Banka Qendore Europiane, euro është dobësuar edhe në tregun e brendshëm në Shqipëri. Ka më shumë se dy muaj që dollari amerikan nuk po njeh ndalje duke sjellë desatbiletet në kursin e këmbimit. Monedha shqiptare po tregohet e dobët edhe përballë paundit britanik dhe frangës zvicerane. Kursi i këmbimit të ditës së shtune ishte ky: një euro u ble me 139.9 lek, dollari me 124, paundi me 186.4 dhe franga zvicerane me 142.6. Për herë të parë franga ia kalon edhe euros duke treguar pasiguri të shumta për investuar në këtë monedhë. Arsyet e këtij çrregullimi të kursit janë pikërisht kriza deflacioniste në eurozonë. Rënia e çmimeve, kriza në Ukraine dhe dobësimi i rritjes ekonomike ka bërë që shumë kompani dhe depozitues të gjejnë besim në monedha si franga, apo të kryejnë shërbimet e tyre në dollarë. Ndërsa efektet e tregut të brendshëm vendas vijnë, pasi euro tashme nuk është më një mondedhë e preferuar dhe se gjatë dy muajve të fundit Shqipëria ka rritur shkëmbimin e mallrave me kinën, me të cilën përdoret dollari dhe Anglinë, e cila ka monedhë të saj paundin. Po ashtu edhe interesi i depozitave në dollarë është më i lartë, ndërsa ulja e normës së interesit për euron nga BQE ka bërë që shumë shqiptarë të mos kursejnë para në këtë monedhë.
