http://www.vizionplus.tv
https://facebook.com/VizionPlusTV
https://twitter.com/VizionPlusTV
Partia Socialiste është hedhur ne kundërsulm për çështjen e dekriminalizimit duke i kërkuar opozitës te mbaje qëndrim ndaj numrit 2 te Partisë Demokratike Arben Ristanit. Anëtari socialist i Komisionit te Posaçëm Parlamentar për dekriminalizimin, Ulsi Manja ka deklaruar se Sekretari i Përgjithshëm i PD Ristani është dënuar me 5 muaj burg për korrupsion ne vitin 1994; duke theksuar se PD duhet te pranoje edhe këtë aspekt te procesit te dekriminalizimit.Ulsi Manja:I kërkojmë Partisë Demokratike dhe Grupit të saj Parlamentar të shprehin publikisht qëndrimin e tyre për rastin e Arben Ristanit, person i dënuar në Shqipëri. Partia Demokratike nëse seriozisht është e angazhuar në procesin e dekriminalizimit, duhet të shprehet për këtë rast flagrant. Jemi të gatshëm të vëmë në dispozicion të procesit të dekriminalizimit dosjen e plotë gjyqësore në ngarkim të të dënuarit Arben Ristani. Ne 24 dhjetorin e vitit te kaluar maxhoranca dhe opozita miratuan nje rezolute, e cila parashikonte qe deri ne fund te muajit qershor parlamenti do te miratonte ndryshimet e nevojshme ligjore për te ndaluar personat me rekorde kriminale te bëhen pjese e vendimmarrjes politike apo administratës publike. Por edhe pse ka 3 muaj qe Komisioni i Posaçëm funksionon ende te dy palët nuk ka gjetur asnjë zgjidhje ligjore përveç akuzave se cilit kamp i përkasin personat me rekorde te tilla.
