http://www.vizionplus.tv
https://facebook.com/VizionPlusTV
https://twitter.com/VizionPlusTV
Ministri i Jashtëm shqiptar Ditmir Bushati kërkon hetim ndërkombëtar per te zbardhur ate qe ndodhi fundjavën e shkuar ne Kumanove. Nga Antalia ku mori pjese ne takimin dyditor te shefave te diplomacive te vendeve anetare te NATO-s, Bushati e vlerësoi domosdoshmëri nje hetim qe do te qartësonte ne mënyrë te plote dhe transparente gjithë situatën. Ne fjalën e tij, Bushati terhoqi vëmendjen se çdo përshkallëzim i mëtejshëm i situatës ne Maqedoni nuk i shërben stabilitetit demokratik dhe prosperitetit të vendit. Ai ftoi që gjuha e urrejtjes dhe veprimet ekstreme t?i lenë vend angazhimit ndaj të drejtave themelore, demokracisë, shtetit të së drejtës dhe perspektivës Euro-Atlantike të Maqedonisë. Duke u ndalur edhe tek harmonia e marrëdhënieve ndëretnike, sanksionuar në Marrëveshjen e Ohrit, ministri tha se ajo është thelbësore për stabilitetin demokratik dhe për të ardhmen e vendit. Edhe pjesëmarrësit ne takim ndanë shqetësimin per zhvillimet e fundit ne Maqedoni, nje vend qe aspiron anëtarësimin ne NATO dhe Be. Ministri shqiptar kerkoi angazhim me te madh te Aleancës edhe per perspektiven e zgjerimit te NATO-s me vendet e Ballkanit Perëndimor bazuar në kritere të qarta, për të synuar konsolidimin e ketij rajoni nga pikëpamja e sigurisë.
