http://www.vizionplus.tv
https://facebook.com/VizionPlusTV
https://twitter.com/VizionPlusTV
Lideri i opozitës Lulzim Basha ka shfrytëzuar nje takim me te rinjtë e qytetit te Fierit, per te premtuar se kur Partia Demokratike te vije ne pushtet, do te vendose nje takse te sheshte ne nivelin 9%, me e ulet se gjate qeverisjes Berisha, kur taksa e sheshte ishte ne nivelin 10%. Sipas Bashes, kjo është filozofia e te djathtës per te përmirësuar situatën ekonomike ne vend.?Uljen e taksës në nivelin më të ulët në Ballkan, 9% taksë e sheshtë për të gjithë pa përjashtim dhe i them sot kryeministrit: - O je gënjeshtar, ose ke mbetur në matematikë! 450 mijë lekë rrogë, 300 mijë leke rroge janë pa taksa, ashtu e kemi bërë ne. Ato 150 mijë që taksohen, po të taksohen me sistemin e Edi Ramës, Ilir Metës e Koço Kokëdhimës sot janë 13%, paguajnë 1950 lekë. Po të taksohen me sistemin që propozojmë dhe do të jetësojmë ne, me votën e bashkuar të shqiptarëve, të djathtë e të majtë 9%, paguajnë 1350 lekë. Kush paguan më pak? Sistemi Basha apo sistemi Rama?!?Basha ka vazhduar akuzat ndaj qeverise per mosmbajtje te premtimeve, rritje taksash, por edhe mos-realizim te ardhurash?Ku janë lekët tuaja, që ua marrin me taksa më të larta!? Ku janë 45 milionë dollarë që duhej të kishin mbledhur sipas planit për këta 4 muaj?! Nuk do të marrim më shumë por do të marrim më pak lekë nga xhepat tuaj, do të ulim taksat që paguajnë familjet, taksat që paguan biznesi. 25% ulje të çmimit të energjisë, falje të kamatë-vonesave për energjinë dhe ujin anembanë Shqipërisë, ulje të taksës së qarkullimit që do të përkthehet në ulje të çmimit të naftës, subvencione për bujqësinë, eliminimin e tvsh për mallrat e shportës?.Sipas liderit te opozitës, pavarësisht situatës se vështirë ekonomike, qeveria votoi kundër amendamenteve te PD, qe sipas tij, nxirrnin vendin nga kriza?Ne u dhamë rrugëzgjidhjet tona, rrugëzgjidhjet e halleve tuaja, sepse hallet tuaja janë prioriteti ynë dhe ata i votuan kundër. I çuam propozimin, hiq tvsh për miellin, orizin, sheqerin, vajin. E votuan kundër. Ule çmimin e energjisë me 14% të TVSH, siç premtove në fushatë, votoje amendamentin! Votuan kundër. Ule çmimin e naftës, e votuan kundër. Për ta prioritet nuk është punësimi, nuk është varfëria?Ndërkohe qe kandidati i PD për Fierin, Enkeljed Alibeaj, premtoi se vendimi i pare qe do te marre nëse do te fitoje është anulimi i parkingjeve me pagese.
