http://www.vizionplus.tv
https://facebook.com/VizionPlusTV
https://twitter.com/VizionPlusTV
Emra skuadrash futbolli, parrulla politike apo shprehje dashurie, të shkruara pa ndonjë rregull të caktuar, të gjitha këto i sheh në muret përgjatë rrugëve kryesore të kryeqytetit. Pamje te tilla bëhen më të dukshme gjatë fushatave elektorale. Tani që zgjedhjet kanë mbaruar, amatorët e shkrimeve në mure merren me mbishkrimet e partive. Por ka edhe një alternativë më artistike që e ofrojnë studentet e artit vizual. Prej vitesh merren me grafitin, një lloj arti rrugësh i pranuar ligjërisht në shumë vende të botës. Në Shqipëri atë e përdorin bizneset private, të cilat zgjedhin përpos arredimit të brendshëm edhe një fasadë ndryshe. Edhe për ta shkrimet kaotike në fasadat e Tiranës janë shqetësuese. Dëshira për t?i shndërruar në art është e madhe, ndaj janë gati të bashkëpunojnë me kryetarin e ri të bashkisë për t?i dhënë kryeqytetit një fytyrë më artistike. Për Sidritin dhe Renaton kjo nuk është një punë shumë fitimprurëse, por liria që i jep ky lloj arti jashtë telajos për ta, është e pazëvendësueshme.
