http://www.vizionplus.tv
https://facebook.com/VizionPlusTV
https://twitter.com/VizionPlusTV
Tetova është ne zi per viktimat e përmbytjeve qe përfshinë rajonin dy dite me pare. Ndërsa te konfirmuar janë 4 viktima, disa media ne vend raportojnë se jane gjetur edhe trupat e dy personave te tjerë ne fshatin Reçice. Ato u referohen dëshmive te banoreve te Lisecit. Shipkovica ishte fshati me i prekur nga tragjedia. Dhimbja e babait qe humbi dy fëmije nga përmbytjet, është e papërshkrueshme. Ndonëse vihet re një përmirësim i lehte i situatës ne Tetove, zonat me te prekura janë shume larg rikthimit ne normalitet. Qindra shtëpi janë shkatërruar e mijëra hektarë tokë janë mbuluar nga uji. Forcat e ushtrisë vijojnë tu qëndrojnë banorëve per pastrimin e rrugëve. Situata mbetet problematike ne disa akse rrugore. Në fshatin Poroj është bllokuar rruga Tetovë - Jazhincë. Aksi rrugor Tetovë -Kodra e Diellit është pastruar dhe lëvizja kryhet normalisht në të dy drejtimet. Autoritetet komunale të Tetovës kanë vlerësuar se në disa fshatra uji nuk është i pijshëm dhe u është bërë apel banoreve që të konsumojnë vetëm ujin e ambalazhuar. Pas vendimit te qeverise per te ndihmuar banoret e rajonit te Tetovës me nga 30 mije denare, edhe Këshilli komunal i Tetovës ka miratuar ndihmat e para nga 1 mijë euro për çdo familje të prekur. Kryetarja e komunës Teuta Arifi tha se në bashkëveprim me Qeverinë do të fillojë vlerësimi dhe më pas dëmshpërblimi i të gjithë qytetarëve, që kanë pësuar dëme. Edhe Kryeqi i Kuq ka bere thirrje per dhurimin e ushqimeve, ujit të pijshëm, batanijeve dhe produkteve te higjienës per banoret e prekur nga katastrofa.
