http://www.vizionplus.tv
https://facebook.com/VizionPlusTV
https://twitter.com/VizionPlusTV
Edhe pse është lajmëruar një luftë e madhe kundër informalitetit nga ana e qeverisë, në fakt një prej pese kompanive të cilat kanë ekskluzivitetin për të shitur kasa fiskale në Shqipëri, vepron në informalitet të plotë. Bëhet fjalë për firmën ?CKV - Noki Albania?, e cila nuk ka autorizim nga Ministria e Financave për të shitur këto pajisje, të cilat presupozohet të lëshojnë kuponin tatimor me qëllim që luftohet evazioni. Por pavarësisht kësaj, firma vepron në liri të plotë. Vetë ekstrakti i këtij biznesi në Qendrën Kombëtare të Regjistrimit, dëshmon se kompania vazhdon të tregtojë kasa, edhe pse në historikun e saj ka disa masa të vendosjes së sekuestros për shkak të detyrimeve të papaguara që ka patur në bankë. Por si ka lindur konflikti mes kësaj firme dhe ministrisë?. Në kontratën e hartuar mes këtij subjekti dhe minsitrisë së Financave e cila përfaqësohet nga Drejtoria e Tatimeve thuhet qartë në nenin 5.1 që firma duhet të lerë në formë garancie një depozitë prej 500 mijë dollarësh e cila do të shërbejë për demin që mund t?i shkaktojë palës me të cilën ka lidhur kontratën. Por kjo nuk ka ndodhur! Në këtë memo të siguruar nga Vizion Plus, që mban datën 6 nëntor 2014, konstatohet fakti që ministria nuk duhet të japë më autorizim për të shitur kasa ndaj CKV Noki. Përveç kësaj, mosmarrja e fondit të garancisë që duhet të kishte bllokuar në bankë kompania, ka hapur edhe një konflikt mes bankës dhe ministrisë.Duhet dërguar një shkresë Bankës nga ana e Ministrisë për të mbrojtur këtë linjë dhe për t?i kërkuar informacion me veprimet e kryera ose të moskryera dhe shpjegimet e rastit. Nëse nuk është bllokuar, atëherë duhet që banka të paditet në gjyq për shkaktim dëmi dhe të kërkohet shuma e garancisë dhe dëmi i shkaktuar së bashku me fitimin e munguar.E pakënaqur me vendimin për moslëshim të autorizimit, firma ka hedhur në gjyq drejtorinë e tatimeve, por e ka humbur këtë çështje edhe në gjykatën e shkallës së parë, edhe në gjykatën e Apelit. Pavarësisht kësaj odiseje, ajo vepron sërish në tregun shqiptar dhe shet kasa, edhe pse logjika mund të duket paradoksale: kasat të cilat tregohen nga ajo dhe lidhen me sistemin e tatimeve raportojnë evazionin, kur vetë kompania nuk ka autorizim të shesë, madje i ka shkaktuar ministrisë një dëm financiar të konsiderueshëm!
