http://www.vizionplus.tv
https://facebook.com/VizionPlusTV
https://twitter.com/VizionPlusTV
Policia e Fierit arrestoi ish-përgjegjësin e sigurimeve shoqërore me akuzën e vjedhje nëpërmjet shpërdorimit te detyrës. Arben Byzhyti, i cili ka mbajtur këtë post dyshohet se ne bashkëpunim me Laver Sakën, ish inspektor i cili ndodhet ne burg nuk kane bere derdhjen e kontributeve te qytetareve, por i kane përvetësuar të gjitha paratë. Skema mashtrimit u zbulua pas denoncimit të bërë nga një person i cili pretendonte se edhe pse kishte derdhur 150 mijë lekë kontribute për djalin e tij, në zyrat e sigurimeve shoqërore nuk rezultonte dicka e tillë. Pas kësaj kallëzuesi ka marrë takim me njërin prej të arrestuarve Laver Sakaj duke i kërkuar shpjegime për mosderdhjen e kontributeve por ai i është përgjigjur se nuk ka asnjë dijeni dhe është larguar. Organi i akuzës ka marrë librezën e cila ishte e nënshkruar nga ish përgjegjësi Arben Byzhyti. Nga hetimet doli se ai kishte mbushur Librezat e sigurimeve shoqërore që i dërgoheshin nga Inspektorë të ISSH Fier, pa pasur asnjë mandat arkëtimi apo dokument tjetër shoqërues që provonte derdhjen e pagesës për kontributet e sigurimeve shoqërore. Në të gjitha këto raste të cilat janë ende në verifikim nuk ishte kryer asnjë pagesë e kontributeve.
