http://www.vizionplus.tv
https://facebook.com/VizionPlusTV
https://twitter.com/VizionPlusTV
Krahas pistës së borxheve policia e Tiranës ka ngritur dhe atë të prishjes së pazareve të drogës për ngjarjen e një dite më parë në Linzë të Dajtit ku mbeti i vrarë Enton Nikaj.Burime pranë policisë thanë se Elvis Martini personi i shpallur në kërkim dyshohet ti ketë dhënë shumën e parave Nikajt për të blerë një sasi droge në Turqi, por qe nuk arriti të përmbyllej. Nikaj nuk bleu drogën e nuk ktheu as paratë. Dyshimet e policisë edhe pse në fazë verifikimi u ngritën pasi në sistemin TIMS rezulton se Enton Nikaj ka dalë nga Shqipëria nëpërmjet linjës ?Turkish Airlines? në drejtim të Stambollit. Ai është larguar në datën 12 tetor dhe është kthyer me datën 23 tetor gati një muaj para ngjarjes së rëndë.Paratë e pakthyera por edhe biznesi i pambyllur ka ngritur dyshime të forta për vrasjen e Nikajt dhe plagosjen e Gaxherrit i cili dyshohet se është i përfshirë. Enton Nikaj nuk është i panjohur për drejtësinë Shqiptare. 30-vjeçari është dënuar për vrasjen e shokut të tij Erlin Shepllo në vitin 2006 dhe armëmbajtje pa leje. Saga e gjyqeve përfundoi në korrik të këtij viti pas përfundimit të dënimit me 14 vite burg për shkak të përfitimit të gjykimit të shkurtuar. Por edhe pasi doli nga burgu ai u dënua sërish me 2 vite heqje lirie, kësaj here për shkatërrim prone. Prej pak ditësh ai lëvizte i lirë pasi gjykata kishte shuar masën e arrestit me burg ndaj tij.
