KROACI - Kryeprokurori Adriatik Llalla nga Kroacia ku ndodhet në vizitë zyrtare me ftesë të homologut të tij Dinko Cvitan i njohur si prokurori që arrestoi ish kryeministrin Ivo Sanader, kundërshton draftin e ekspertëve për reformën në drejtësi si dhe kërkon që Prokuroria dhe Gjykata e Krimeve të Rënda të mos shkrihen.
Drejtimi i Këshillit të Prokurorisë nga jo nga një prokuror siç propozohet në draftin për reformën në drejtësi në Shqipëri, është një model i kundërt nga ai Kroat - është shprehur Llalla.
Në krahasim me modelin kroat Llalla ka nënvizuar se Këshilli i Prokurorisë në Kroaci sot përbehet nga 11 anëtarë me shumicë prej 7 prokurorësh dhe drejtohet nga një prokuror, por në Shqipëri propozohet e kundërta.
?Për mënyrën e parashikuar në draft për organizimin e Këshillit, Prokuroria Shqiptare ka shprehur rezervat e saj. Në vlerësimin e Prokurorisë, modeli i Këshillit në Kroaci është mëse i përshtatshëm për institucionin shqiptar?, sqaron zyra e shtypit pranë Prokurorit të përgjithshëm.
Ndalur tek modeli USKOK i prokurorisë anti-korrupsin, zyra e shtypit shprehet ?USKOK është një model i suksesshëm, i cili është deklaruar në draftin e reformës në drejtësi në Shqipëri si mekanizmi i duhur për të luftuar korrupsionin në nivele të larta.Gjithësesi, ndryshe nga modeli kroat, Prokuroria Antikorrupsion në Shqipëri mendohet të funksionojë si një institucion i pavarur, pa asnjë varësi nga Prokuroria e Përgjithshme?.
Për prokurorin e Përgjithshëm këtë rol në Shqipëri mund ta luajë Prokuroria dhe Gjykata e Krimeve të rënda të cilat tashmë prej 2004-ës kanë një eksperiencë. Por këto struktura në draftin e reformës në drejtësi parashikohet të shkrihen.
Në vjeshtë të 2015-ës Dinko Cvitan ishte në Shqipëri me ftesë të Bashkimit Evropian ku pati takime dhe me vetë Llallën por prej asaj dite dhe pse u fol se në Shqipëri do të kishte arrestime të bujshme asgjë nuk ndryshoi.
Në këtë vizitë zyrtare Llalla shoqërohet dhe nga kryeprokurori i Vlorës Ramadan Troci i cili është dhe anëtar i këshillit të prokurorisë shqiptare, i njohur si prokurori që firmosi arrestimin e ish Guvernatorit të Bankës së Shqipërisë Adrian Fullani.
