Pashket katolike janë kremtuar në të gjithë vendin. Arqipeshkvi Ottavio Vitale në Lezhë ka dënuar ashpër fenomenin e korrupsionit të zyrtarëve që sipas tij po bëjnë mëkat të madh.
Në pritje të vigjiljes së ringjalljes së krishtit, qindra besimtarë katolikë i janë drejtuar katedrales së "Shën Nikollit" në qytetin e Lezhës për të ndjekur meshën e shenjtë.
Me qirinj në duar të cilët përcjellin dritën e përjetshme që vjen nëpërmjet Hyjit, besimtarët katolikë të Lezhës janë lutur për më shumë begati, paqe e harmoni në familjet e tyre.
Mesha e shenjtë është drejtuar nga Arqipeshkvi i Dioqezës së Lezhës Mon Sinjor Ottavio Vitale.
Teksa ka folur para besimtarëve arqipeshkëve, Vitale ka folur ashpër për fenomenin e korrupsionit të zyrtarëve që sipas tij po bëjnë një mËkat shumë të madh.
Mesha e shenjtë e kremtuar në katedralen Shën Nikolli të Lezhës ka qenë edhe pritësja e parë e festës së ringjalljes së Krishtit, pasi kjo për besimtarët katolikë në Lezhë është një moment kulminat i krishtërimit dhe thelbi i besimit që simbolizon ringjalljen e jetës dhe shpresës.
Pashkët janë një festë e jetës, e paqes, dritës dhe ngadhnjimit, kështu ka thënë imozt Jaroslla Car në Fier.
