AREZQI LBACIR
Iɣaḍ-iyi Urezqi Lbacir
Di teẓgi ddaw usisnu
Iluɛa-t-id wayyaw-is
A xali, kker a nejbu
Xal-ik igzem uḍar-is,
Ma lliɣ-ak deg wul ɣas ru
Kečč ay Arezqi Lbacir
Ay abazin n webεuq
Ittnusun deg lexlawi
Iqḍeɛ i lqeyyad ssuq
Iɣaḍ-iyi lɛerc Aɣwebri
Issuli-yas llazuq
Ifassen-iw gren di lqid
Udem-iw yuɣal am uyeddid
Iḍarren-iw deg Qaṭerma
Qsenṭina ad tt-nessikid
Amzun d aggur n lɛid
Γef yixef-iw tewwet lmeḥna
