Kryetari i Partisë Demokratike, Lulzim Basha teksa ka qenë në Dibër, në aktivitetin ?Bujar Kapexhiu - 50 vjet me karikaturën? organizuar nga Shoqata ?Bashkësia Dibrane? ka deklaruar se dibranët nuk duan mëshirë, por më shumë mundësi për punë e dinjitet.
Sipas Bashës, këtë mundësi të shumëkërkuar, dibranët do ta kenë vetëm duke votuar kandidatin e opozitës për bashkinë Dibër Sherefedin Shehu.
Basha për të konkretizuar më së miri një fakt të tillë, solli në vëmendje një bisedë me një dibran i cili tha se ata nuk duan mëshirë, as lëmoshë por duan mundësi, duan punë dhe dinjitet.
?Nuk lypin dibranët,- më tha, nuk kërkojnë mëshirë dibranët. Edhe një dorë po të kemi do punojmë, edhe një këmbë po të kem do punojmë, edhe cung po të jem do punoj. Nuk ka mëshirë, nuk ka lëmoshë, duam punë dhe punës i dalim zot? theksoi ai.
?Hallet janë të mëdha, problemet dhe vështirësitë janë të mëdha. Asgjë nuk është bërë për t?i lehtësuar ato. Beteja që ka nisur dhe që nesër formalisht e hapim do të vazhdojë ditë për ditë dhe orë për orë. Por ne e dimë që përtej të qenit demokrat, mbi kokat tona dhe në shpirtin tonë nuk valvit thjesht flamuri i Partisë Demokratike me gjithë idealet e saj, por dashuria për Dibrën, dashuria për Shqipërinë, vendosmëria për punë me nder e dinjitet, vendosmëria për t?i kthyer nder, punë dhe dinjitet Dibrës dhe dibranëve. Ndaj do bëjmë gjithçka, apo jo miqtë e mi?! Gjithçka që çdo dibran e dibrane të ndihet pjesë e këtij bashkimi të madh për sot dhe për nesër, kur do ta mbarojmë deomos Rrugën e Arbrit, amanetin tonë të papërfundua? ka thënë Basha.
