Një aksident me gjashtë të plagosur është regjistruar pasditen e kësaj të enjte në aksin rrugor Lezhë- Shkodër.
Tre automjete janë përplasur me njëri-tjetrin, ku për pasojë raportohet se gjashtë personat që udhëtonin në to, kanë mbetur të lënduar.
Aksidenti ka ndodhur në afërsi të fshatit Gjader, ndërsa nuk dihen ende rrethanat e ngjarjes. Policia ka mbërritur në vendin e ngjarjes dhe po heton shkaqet e këtij aksidenti.
